-
پرسیار و وەڵام
ئاراس عومەر : ئایە چارەسەری شەقیقە چیە ؟
ئایە چارەسەری شەقیقە چیە ؟ چ هەنگاوێک بنێم بۆ چارەسەرم ؟
دکتۆر.عبداللە فقی یزدین :
فاکتەرەکانی درووستبوونی شەقیقە:
١. ناڕێکی لە کەمی یان زۆری خەو .
٢. برسی بوون یان دواکەوتنی ژەمەکان .
٣. فشاری دەروونی .
٤. بەرزی و نزمی هۆڕمۆنەکانی لەشی ( دوو گیانی ، کاتی سووڕی مانگانە ).
٥. هەندێک دەرمان (بۆ نمونە بۆ چارەسەری بەستانی خوێن).
٦. جگەرەکێشان.
٧. خواردنەوەی مەی سۆر.
٨. ڕووناکی بەهێز.
٩. هەندێك بۆنی بەهێز (بەنزین ، فاس).
١٠. بوونی زەبری سەر.
١١. گۆڕانی ئاو و هەوا.
١٢. خواردنی ساردی زۆر (ئایس کرێم).
١٣. سەفەرکردن (نەخۆشی جووڵەی سەفەر).
١٤. هەندێک خواردن و خواردنەوە ( چای ، قاوە ، پەنیر ، ماست ، گۆشتی سوور ، قوتوبەندەکان..).
چارەسەر :
١. خۆپاراستن لە فاکتەرەکانی سەرەوە.
٢. گۆڕینی شێوازی ژیان (ڕێک نووستن ، وەرزشی مامناوەند ، خواردنی ژەمەکانی لەکاتی خۆیدا ، دوورکەوتنەوە لە حەپی دژە دووگیانی ، جگەرەکێشان ، مەی سۆر ، یان هەر خواردنێك سەر ئێشەی پێ بگریت.
٣. دوورکەوتنە لە دڵەڕاوکێ.
٤. لە کاتی سەر ئێشە شێلانی ماسولکەکانی مل و شان و پشت ، وە شتێکی سارد لە سەر نیوچاوانی دابنێت بۆ (٥) خولەك.
٥. ئەگەر سەر ئێشەکە زوو دووبارە بووەوە یان زۆر درێژەی کێشا ، ئەوا دەبێت لە لایەن پزیشک دەرمانی (وقائي) وەربگرێت بۆ چەند مانگێك (٨ مانگ).
٦. دەرمانی دژەژان بۆ کاتی پێویست ، دەبێت لەسەرەتای سەر ئێشە وەربگیرێت .
هاوڵاتی بەڕێز
هاوڵاتی بەڕێز لێرەدا دەتوانیت بە ئاسانترین شێوە پرسیارەکانت ئاراستەی دکتۆری پسپۆڕ بکەیت
بۆ پرسیار بکەم ؟
هاوڵاتی بەڕێز تۆ دەتوانیت ڕاوێژ بە دکتۆری پسپۆڕ بکەیت بەبێ بەرامبەر و دەتوانیت کێشە تەندروستیەکانت ڵێرەدا ئاراستەی دکتۆری مەبەست بکەیت
چۆن پرسیار بکەم ؟
دەتوانیت کلیک بکەی لە چوارگۆشەی پرسیار بکە و زانیاریەکان پڕ بکەیتەوە بەتەواوی
کی وەڵامم دەداتەوە ؟
پرسیاری ئێوەی بەڕێز بۆ گشت دکتۆرەکانی پەیوەست بە پرسیارەکەت دەچێت و لەکاتی وەڵامدانەوە لەلایان دەتوانی ئەم لاپەڕەیە بکەیتەوە و وەڵامت وەرگری